Махсус имкониятлар
Ассалому алайкум ҳурматли кечаги пастдарғомлик абутуриентлар, бугунги талаба ёшлар!
Пастдарғом туманида 2020-2021 ўқув йилини 11-синфини 4615 нафар ўқувчилар тамомлаб, уларнинг 1711 нафари яқиндагина олий таълим муассасаларига қабул қилиниб талаба бўлиш бахтига муяссар бўлди.
Бу кўрсатгич республика бўйича 206 та қишлоқ ва 235 та қишлоқ, шаҳар туманлари ўртасида 8 ўринни эгаллаганлиги сиз пастдарғомлик ёшларни билимга иштиёқингиз қанчалик юқорилигини кўрсатмоқда.
Мен ишонаманки келгусида сизлар мустақил ватанимизни содиқ фарзанди бўлиб, учинчи ренессанс пойдеворини қуришда ўз ҳиссаларингизни қўшасизлар, мен сизлар билан фахрланаман. Муҳтарам Президентимизнинг ёшларга яратиб бераётган имкониятларидан унумли фойдаланиб, юртимизни тенглар ичида тенг бўлиб равнақ топишида ўз меҳнатларингизни аямайсизлар.
Олийгоҳни қизил диплом билан тугатиб, келажакда юксак минбарларда кўришни яратган эгам насибу рўз айласин. Сизларни манашундай камол топишларингизда билим ва тарбия берган ота-онангиз ҳамда устозларингизга ўз миннатдорлигимни изҳор этаман.
Доимо соғ-саломат бўлиб, она ватанимизга келгусида хизмат қилишдан чарчамангизлар!
Шунқор Худайбердиев, Пастдарғом тумани ҳокими.
