Янгиликлар

"Темир йўлдан ва темир йўл транспортидан оқилона фойдаланиш давр талаби"

2019 йил 17 июль куни Пастдарғом туман ҳокимлиги катта мажлислар залида "Темир йўл хавфсизлиги"ни таъминлашга қаратилган йиғилиш ташкил этилди. Унда жамоатчилик вакилларига ўз ҳудудларидан ўтган темир йўлларни асраш ва ундан ўтувчи тез юрар ва бошқа поездларни ҳаракатланишига ноқулайлик тўғдирувчи ҳар қандай ҳолатларни олдини олиш бўйича тегишли кўрсатмалар берилди.

Пахтачи МФЙ раисининг вакиллар йиғилишидаги ҳисоботи

Туман ҳокимининг 2019 йил 5 июлда тасдиқлаган “Пастдарғом туманидаги маҳалла фуқаролар йиғинлари раисларининг 2019 йил II чорак якунлари бўйича амалга оширилган ишлари юзасидан вакиллар олдида ҳисобот бериш” Жадвалига асосан бугун Пахтачи маҳалла фуқаролар йиғини биносида МФЙ раиси, МФЙ мутахассиси ҳамда участка нозирининг вакиллар йиғилишидаги ҳисоботлари тингланди.  Йиғилишда туман ҳокимининг ўринбосари, Хотин-қизлар қўмитаси раиси М.Санақулова ва туман маҳалла кенгаши масъул ходимлари, вакиллар кенгаши аъзолари ҳамда маҳалла фаоллари иштирок этишди.

"Ёзни камалак билан лойиҳаси"

Пастдарғом туман ёшлар иттифоқи туман кенгаши ва туман маданият бўлими ходимлари ҳамкорликда жорий йилнинг 16 июль куни Ургут тумани Севасой қишлоғида жойлашган "Гўзалкент" ёзги соғломлаштириш оромгоҳида ёшларни дам олишларини мазмунли ўтказишни ташкил этиш мақсадида "Ёзни камалак билан" лойиҳаси доирасида тадбир ташкил этилди.

Сузиш бўйича мусобақада Пастдарғомликлар ғолиб бўлишди!

Жорий йилнинг 15 июл куни Самарқанд шаҳардаги "Делфин" сув турларига ихтисослаштирилган спорт мактабида Ўзбекистон Хотин-қизлар қўмитаси томонидан Бирлашган Миллатлар Ташкилотининг Аҳолишунослик бўйича жамғармаси билан ҳамкорликда "Аҳолишунослик куни" муносабати билан 13-15 ёшли ўсмир қизлар ўртасида сузиш бўйича мусобақа бўлиб ўтди.  Пастдарғом тумани спортчи қизлари фаол иштирок этишди. Жумладан 15 ёшли қизлар ўртасида ўтказилган баҳсларда Диана Цой фахрли II ўринни, 13 ёшлилар ўртасида эса Маратова Гўзал III ўринни қўлга киритиб, диплом ва эсдалик совғалар билан тақдирланишди.

Иш ҳақи, пенсиялар, стипендиялар ва нафақалар миқдори оширилад.

Ўзбекистон Республикаси Президентининг 2019 йил 12 июлдаги “Иш ҳақи, пенсиялар, стипендиялар ва нафақалар миқдорини ошириш тўғрисида”ги ПФ-5765-сон Фармони билан 2019 йилнинг 1 августидан бошлаб бюджет муассасалари ва ташкилотлари ходимларининг иш ҳақи, пенсиялар, стипендиялар ҳамда нафақалар миқдори 1,1 баравар оширилиши белгиланди.

ХОТИН-ҚИЗЛАРНИ ЖАМИЯТДА МУНОСИБ ЎРНИ БОР!

Ўзбекистон Республикаси Президенти Ш.М.Мирзиёевнинг жорий йил 21 июндаги Олий Мажлис Сенатининг XX ялпи мажлисидаги маърузасидан келиб чиқиб, Ўзбекистон Республикаси Президентининг 2019 йил 7 мартдаги “Хотин-қизларнинг меҳнат ҳуқуқлари кафолатларини янада кучайтириш ва тадбиркорлик фаолиятини қўллаб-қувватлашга оид чора-тадбирлари тўғрисида”ги ПҚ-4235-сонли қарори мазмун моҳияти ва устувор вазифаларини кенг аҳолига  етказиш  мақсадида   Пастдарғом  туман  Хотин-қизлар қўмитаси, Туман тижорат банклари  Адлия туман бўлими, Фуқаролар ўзини ўзи бошқариш органлари фаолиятини мувофиқлаштириш бўйича туман кенгаши, Ёшлар иттифоқи туман  Кенгашлари билан ҳамкорликда туманда, хотин-қизларни қўллаб-қувватлашга доир давлат сиёсатининг самарали амалга оширилишини таъминлаш, уларнинг ҳуқуқий ва маънавий билимларини ошириш, тадбиркорликка йўналтириш ҳамда оилаларни мустаҳкамлаш мақсадида учрашувлар ўтказиш тўғрисидаги ҚЎШМА ҚАРОРИ имзоланди. Ушбу қўшма қарор ижроси юзасидан 2019 йил 11-июль куни Пастдарғом туман ҳокимлигида вилоят Марказий банк ходимлари иштирокида  семинар ўтказилиб, тадбиркорлик истагини билдирган хотин-қизларга ҳуқуқий ва маънавий билимларини ошириш бўйича кенг тушунтиришлар берилди ва семинар савол-жавоблар асосида қизғин ўтди. Семинар якунида фаол қатнашган хотин-қизларга  вилоят Марказий банк ходимлари томонидан китоблар  совға  қилинди.

2015-2023 © Пастдарғом туман ҳокимлиги. Сайт яратувчиси: SAKTRM