Зулфия номидаги Давлат мукофоти совриндори, Дзюдо бўйича жаҳон чемпиони  Д.Келдиярова  Италиянинг Неаполь шаҳрида ўтказилган Универсиада - 2019  спорт мусобақасида  бронза медали соҳибаси бўлиб, яна бир ютуқни қўлга киритди. Ушбу ютуқлардан руҳланган Пастдарғомлик хотин-қизлар 2019 йил 09-июль куни Пастдарғом тумани 1-сон Болалар ва ўсмирлар спорт мактабида 5 ташаббуснинг иккинчи йўналиши ижросини таъминлаш мақсадида  100 нафарга яқин МФЙ мутахассислари ва уюшмаган хотин-қизлар иштирокида “Спорт -саломатлик гарови” шиори остида беллашувлар ўтказилди. Хотин-қизларни соғлом турмуш тарзига ўргатиш, уларнинг бўш вақтларини мазмунли ташкил этиш мақсадида ҳар ҳафтанинг сешанба куни туманда “Спорт куни” этиб белгиланди.

Бугун Паст Дарғом туманига Самарқанд вилоятидаги ОАВ ходимларининг ташрифи (Пресс-тур) бўлиб ўтди. Пресс-турда ОАВ ходимлари дастлаб “Мароқанд Кабель Инвест” МЧЖ га ташриб буюрган бўлса, кейинги “Машъал Страус” корхонаси уларда катта таассурот қолдирди. Пресс-тур якунида Самарқанд вилоятидаги ОАВ вакиллари билан туман ҳокимининг учрашуви бўлди, учрашувда туман ҳокими уларни қизиқтирган саволларга жавоб берди.

2019 йил 6 июль Пастдарғом туман 32-сон болалар мусиқа ва санъат мактабида “ИБРАТЛИ ОИЛА” Республика кўрик танловининг туман босқичи бўлиб ўтди. Пастдарғом туманида 81620 та оила бўлиб, шулардан “Ибратли оила” Республика кўрик танлови учун 749 та оила ариза билан мурожаат қилган ва маҳалла босқичида қатнашдилар.

Туман хокими Ш.Худайбердиевнинг 2019 йил 5 июль куни навбатдаги сайёр кабули 72 умумтаълим мактабида утказилди. Фукаролардан жами 138 мурожаатлар кабул килинди. Шундан 50 нафар фукаронинг масаласи  жойида ижобий хал этилди. 14 нафар мурожаат рад этилди.

Ўтган йили фермер хўжаликлари билан дон қабул қилиш корхоналари ўртасида 47 минг 471 тонна ғалла етиштириб бериш бўйича шартнома имзоланган эди. Экин парвариши билан боғлиқ агротехник тадбирлар ўз вақтида амалга оширилганлиги ва ғаллачилик учун об-ҳавонинг қўлай келиши натижасида бўлиқ ҳосил етиштирилди. Ўтган йигирма кун давомида далаларда ғалла ўрим-йиғими қизғин бўлди. Мавжуд 52 та ўрим комбайинларининг мавсумга пухта ҳозирланганлиги иш суръатини оширди. Ҳар куни қабулгоҳларга 3-4 минг тоннагача ғалла саранжомлаб топширилди. Шунинг натижасида 4 июлга қадар режадагидан кўпроқ ҳосил йиғиштириб олинди. Жумладан, уруғлик дон учун 4600 тонна, товар дон учун 42871 тонна ғалла қабулгоҳларга етказиб берилди.

Пастдаргом тумани Чимбой махалласида Вилоят согликни саклаш бошкармаси рахбариятининг  ахоли билан сайёр учрашуви утказилди.  Учрашувда Согликни саклаш борасида фукороларнинг мурожаатлари тингланиб жойида масъул шахсларга  вилоятимизнинг етакчи даволаш профилактика муассасаларида диагностика, даволаш, профессор укитувчилар ва юкори малакали мутахассилар ёрдамида фукороларни саломатлигини тиклашни ташкил этиш буйича вазифалар юклатилди.