\Navro'z - bu ayyom xalqimiz uchun sharqona yangi yilning boshlanishi, eng qadimiy, asl milliy va juda ardoqli bayram sanaladi.

Mazkur kun azal sharq xalqlarida ham yangilanish, yasharish bayrami, dehqonchilik mavsumining boshlanishi, yangi hayot pallasi sifatida ko'rilgan.

Ayni paytda, Pastdarg‘om tumanidagi Zormon mahallasida ushbu tantana munosabati bilan "Qadriyatlaring boqiy bo'lsin - Navro‘z!" shiori ostidagi bayram tadbiri bo'lib o'tmoqda.

Tadbirda tuman hokimi Sh.Rahmonov ishtirok etib barchani shukuhli ayyom bilan samimiy tabrikladi.

Fayzli davrada yangragan o'zbekona kuy-qo‘shiqlar barchaga ko'tarinki kayfiyat ulashyapti.

Turli noz-ne'matlar dasturxonga tortildi, milliy taomlar pishirildi, xalqimizga xos milliy o'yinlar ham davraga o'zgacha fayz baxsh etmoqda.

Tadbirda elimiz suygan so‘z ustalari Qah qaha guruhi ishtirok etib barchaga ko‘tarinki kayfiyat ulashmoqda.