Xalqning turmushini farovon, yashayotgan hududini obod qilish borasida amalga oshirilayotgan ishlar joylarda o‘zining ijobiy samarasini bermoqda va odamlarning qalbida shukronalik, mamnunlik tuyg‘ularini shakllantirmoqda.

Pastdarg‘om tumanining “Go‘zalkent” mahallasida “obod xonadon - obod ko‘cha - obod mahalla” mezonlari asosida olib borilayotgan qurilish, bunyodkorlik ishlari natijasida mahalla hududning eng ko‘rkam go‘shalaridan biriga aylanmoqda.

Viloyat 3-sektor rahbari, ichki ishlar boshqarmasi boshlig‘i Rahmat Mamatov bu yerda amalga oshirilayotgan obodonchilik ishlari bilan tanishdi. 

Shuningdek, mahalladagi bolalar bog‘chasida olib borilayotgan qurilish, ta’mirlash jarayonlari ham viloyat 3-sektor rahbari e’tiborida bo‘ldi. 

Hududni ko‘kalamzorlashtirish, hovlilarni tartibga keltirish borasida ham o‘z tavsiyalarini berdi.