Pastdarg‘om tumanidagi 541 ta oilalar tumanimizda faoliyat olib borayotgan 108 nafar rahbarlar va o‘rinbosarlarga "Kambag‘allikdan farovonlik sari" dasturi asosida kambag‘allikdan chiqarish, tadbirkorlikka yo‘naltirish maqsadida biriktirilgan.

Tuman hokimi Sh.Rahmonov Ramazon hayiti munosabati bilan Bog‘ishamol mahallasida yashovchi ijtimoiy himoyaga muhtoj o‘ziga biriktirilgan oilalar holidan xabar oldi.

Bunda, ular bilan samimiy suhbat qurildi, muborak ayyom munosabati bilan hayitlik sovg‘alari ulashildi.

Tomorqalardan unumli foydalangan holda o‘z-o‘zini band qilish va serdaromad mahsulotlarni yetishtirib yuqori daromad olish masalasiga ham alohida eʼtibor qaratilib, olib kelingan ko‘chatlar birga ekildi.

Shuningdek, suhbatlar davomida ularning bandligini taʼminlash, o‘zlari tomonidan yashash sharoitlarini yaxshilash, daromadlarini oshirishga ko‘maklashish masalalari barobarida, muammo va kamchiliklar ham o‘rganilib, ularning yechimlari bo‘yicha navbatdagi vazifalar belgilab olindi.