“Agobank” ATB Pastdarg‘om tumani Go‘zalkent filiali boshqaruvchisi sifatida ishlab kelayotgan Suxrob Mirzaxadjayev Nurobod tumani hokimining tegishli qaroriga asosan ushbu tuman hokimining investitsiyalar, innovatsiyalar, xususiylashtirilgan korxonalarga ko‘maklashish, kichik sanoat zonalari hamda turizmni rivojlantirish masalalari bo‘yicha o‘rinbosari lavozimiga tayinlandi.

Uzoq yillardan buyon soliq sohasida xizmat qilib kelgan va hozirda Pastdarg‘om tumani Davlat soliq inspeksiyasi boshlig‘i o‘rinbosari vazifasida faoliyat yuritib kelayotgan Mahmud Ro‘zimatov O‘zbekiston Respublikasi Davlat soliq qo‘mitasi raisi Sh. Qudbiyev buyrug‘iga muvofiq Oqdaryo tumani Davlat soliq inspeksiyasi boshlig‘i lavozimiga tayinlandi.

Xuddi shunday Din ishlar bo‘yicha qo‘mitaning Pastdarg‘om tumani bosh mutaxassisi sifatida ishlab kelayotgan Azamat Jonuzoqov ham, Qo‘shrabot tumani Davlat soliq inspeksiyasi boshlig‘i lavozimiga tayinlandi.

Bundan tashqari, yaqin vaqtga qadar tuman Qishloq xo‘jaligi bo‘limi boshlig‘i lavozimida faoliyat yuritgan Xurshidjon Javburiyev Urug‘chilikni rivojlantirish markazi direktori B.Mamaraximov buyrug‘iga ko‘ra Urug‘chilikni rivojlantirish markazi Samarqand viloyat boshqarmasi boshlig‘i lavozimiga tayinlandi.
🇺🇿Tuman hokimi soha rahbarlari, faollar va nuroniylar hamrohligida tumanimiz faxriylarini yangi lavozimlar bilan tabriklab, ko‘rsatgan xizmatlari uchun minnatdorchilik bildirib, to‘n kiydirib kuzatishdi.