Xalqimiz uchun sharqona yangi yilning boshlanishi, eng qadimiy, asl milliy va juda ardoqli bayram sanalgan Navro‘z ayyomi shodiyonalari Pastdarg‘om tumanida hamon ko‘tarinki ruhda davom etmoqda.

Barcha mahallalarda birin-ketin bayram sayllari, milliy o‘yinlar va ko‘ngilochar tadbirlar o‘rin olgan tantanalar tashkil etilmoqda.

Jumladan, Oshiq ota mahallasida ham, ushbu tantana munosabati bilan "Qadriyatlaring boqiy bo‘lsin - Navro‘z!" shiori ostidagi bayram tadbiri bo‘lib o‘tdi.

Fayzli davrada yangragan o‘zbekona kuy-qo‘shiqlar barchaga ko‘tarinki kayfiyat ulashdi.

Turli noz-neʼmatlar dasturxonga tortildi, milliy taomlar pishirildi, xalqimizga xos milliy o‘yinlar ham davraga o‘zgacha fayz baxsh etdi.