Bu yil tumanimiz bo‘yicha 13095 gektar maydonga g‘o‘zaning "Buxoro”, “Xin Lu Zao 78” va “Sulton” navlari ekilib, parvarishlanishi maqsad qilingan. Shu kunga qadar maydonlarga ishlov berilib, ekish mavsumiga tayyorlab qo‘yildi.

Chimboy MMTP hududidagi "Kamalak tekstil invest" klasteriga qarashli ekin maydonida tuman hokimi, tegishli o‘rinbosar, nuroniylar, qishloq xo‘jaligi sohasi masʼullari va fermerlar ishtirokida chigit qadash ishlariga bag‘ishlangan ko‘rgazmali seminar o‘tkazildi.

Xayrli ishni boshlashdan avval jonliq so‘yib, qurʼon tilovat qilindi. Duoga qo‘l ochganlar yurtga tinchlik, elga omonlik, dehqonchilikka baraka tiladilar.

Seminarda fermerlarga agrotexnik tadbirning asosiy mohiyati, chigit ekish qoidalari, seyalkalarning ishchi organlari joylashuv tartibi va boshqa zarur vazifalar haqida tushunchalar berildi.

So‘ng chigit ekishga kirishildi.