Xonchorbog‘ mahallasida sportning milliy kurash turi bo‘yicha "Hokim kubogi" turniri o'tkazildi.

Musobaqada, qo‘shni davlatlardan hamda yurtimizning barcha viloyat va shaharlaridan tashrif buyurgan 700 dan ortiq polvonlar hamda sportchilar o‘zaro bellashdi.

Tuman hokimi Sh.Rahmonov tadbirda ishtirok etib milliyligimizni ifodalovchi bu kabi shodiyonalar xalqimiz o'rtasida o'zbekona mehmondo'stlik, mehr-oqibat, hamjihatlik va ochiq ko'ngillik tuyg‘ularini yanada mustahkamlashini ta'kidladi va barcha polvonlarga omad tiladi.

Musobaqa g‘oliblari uchun, tashkilotchilar tomonidan turli chorva zotlari, pul mukofotlari va boshqa ko‘plab qimmatbaho sovg‘alar sovrin sifatida taqdim etildi.