Ayni paytda tuman hokimi Sh.Rahmonov tegishli mutasaddilar hamrohligida Juma shahri hududida obodonlashtirish ishlari, ko'kalamzorlashtirish va gulzorlashtirish hamda aholi kayfiyatini yaxshilash bo'yicha olib borilayotgan ishlari bilan tanishmoqda.

Bunda, noqonuniy qurilmalarni bartaraf etish, ijtimoiy soha obyektlari, ko'p qavatli uylar, asosiy va ichki ko‘chalarni, binolar fasad qismi hamda atrofini tartibga keltirish, "Yashil makon" loyihasi asosida ko‘chatlar ekish, gulzorlashtirish shuningdek, ekilgan nihollarni sug‘orish tizimi bilan taʼminlash kabi bir qator masalalar borasida amalga oshirilayotgan ishlar o‘rganilyapti.

Shuningdek, tomorqadan unumli foydalanish, xavfsiz muhitni shakllantirish, piyodalar yo‘lakchalari barpo etish, tungi chiroqlar o‘rnatish, kameralashtirish, harakat xavfsizligini taʼminlash masalalariga ham alohida eʼtibor qaratilmoqda.

O'rganishlar ayni paytda Bo'ston, Samarqand, Amir Temur nomli mahallalarda olib borilayotgan bo'lib, Xauzak, Yangiobod, Po'latchi, Sazag'on va Eski Juma kabi mahallalarda davom etadi.