Tuman hokimi Sh.Rahmonov tumandagi korxona-tashkilotlar rahbarlari va tegishli mutasaddilar ishtirokida onlayn tarzda zoom platformasi orqali navbatdagi dolzarb masalalarni kelishib oldi.

Unda, 107 ta mahallalar yettiliklari va ularga biriktirilgan masʼullar hamda faollar ham ishtirok etdi.

Bunda, Vazirlar Mahkamasining "Aholi tomorqalari va dehqon xo‘jaliklari yer maydonlaridan samarali foydalanishning qo‘shimcha chora-tadbirlari to‘g‘risida"gi 191-sonli qarori ijrosi borasida bajarilishi lozim bo‘lgan ishlar xususida so‘z yuritilib, tomorqasi bo‘sh turgan, unumli foydalanilmagan xonadonlar holati tanqid ostiga olindi.

Shuningdek, davlatimiz rahbarining 1-sonli qarori ijrosini taʼminlash, mahallalarda xavfsiz muhitni shakllantirish, piyodalar yo‘lakchalari barpo etish, tungi chiroqlar o‘rnatish, kameralashtirish, ichki ko‘chalarni, binolar atrofini tartibga keltirish, ko‘kalamzorlashtirish, gulzorlashtirish masalalari muhokama etilib, bu borada aniqlangan kamchiliklarni bartaraf etish yuzasidan masʼullarga ko‘rsatma, topshiriqlar berildi.

Bundan tashqari, aholi murojaatlari, berilgan topshiriqlar ijrosi, soliq va kommunal to‘lovlar targ‘iboti, "Kambag‘allikdan farovonlik sari" dasturi, nizoli oilalar bilan ishlash masalalari ilgari surilib, bu bo‘yicha chora-tadbirlar belgilab olindi.

Shu kabi aholi tomorqalaridan unumli foydalanish bo‘yicha ishchi guruh tuzilib, mazkur guruh tomonidan tomorqalar holati tahlil qilinishiga kelishib olindi.