Маънавият-маърифат масканларида ...  

Image_tadbir: 

Дарҳақиқат, мактаблар бугунги маънавият-маърифат асосий ўчоқлари ҳисобланади. Демак, бу ерларда олиб борилаётган ишлар ҳам шунга муносиб бўлиши керак. Туманимизда 125 та мактаблар бўлиб, 2018-2019 ўқув йилида уларнинг деярли барчасида РМММ туман бўлими, Ўзбекистон ёшлар иттифоқи туман кенгаши, туман Халқ таълими бўлими, ДХХ масъул ходимлари, туман ИИБ масъул ходимлари, туман бош имом-хатиблиги билан биргаликда маънавий-маърифий тадбирлар мунтазам ўтказиб келинмоқда. Тадбирлардаги асосий мавзулари: Президентимизнинг 2018 йил декабр ойида Ўзбекистон Республикаси Олий Мажлисга қилган Мурожаатномаси ҳамда Ўзбекистон Республикаси Президенти Ш.М.Мирзиёев томонидан 2019 йил 19 март куни 5 та муҳим ташаббуслари, шунингдек, Республикамизда ёшларга яратилаётган имкониятлар тўғрисида.

Шу каби тадбирларнинг навбатдагилари 21-23 май кунлари 2-, 7-, 9-, 27-, 42-, 44-, 119-, 120-мактабларида бўлиб ўтди. Бу тадбирлар ёшларнинг таътил олди тадбирлари бўлганлиги учун уларда ўзгача таассуротлар қолдирди. Тадбирларда ёшларга юқоридаги мавзулардан ташқари таътил даврида хавфсизлик қоидаларига риоя қилиши, энг яқин дўст - китобни “унутмаслик” кераклиги алоҳида тушунтирилди.

Тадбирларда ёшларга тарбиявий аҳамиятга эга бўлган турли ҳужжатли фильмлар намойиш этилиб, иштирокчиларни қизиқтирган мавзулар ва саволлар юзасидан қизиқарли суҳбатлар бўлди.

 

2015-2024 © Pastdarg‘om tumani hokimligi. Sayt yaratuvchisi: SAKTRM