Joriy yilning 15-oktabr kunidan boshlab mamlakatimizda mahallalar hududida obodonlashtirish va ozodalik ishlarini kuchaytirish maqsadida, “Tozalik va ozodalik oyligi e’lon qilindi!

Oylik doirasida har bir mahallada yakka tartibdagi uy-joylar, ko‘p qavatli uylar, xiyobonlar, qabristonlar, ko‘chalar, ariqlar, atrofida tozalik va ozodalik ishlarini bajarish, yashil hududlarni ko‘paytirish bo‘yicha vazifalar belgilandi.

Shu munosabat bilan tumanimizda hasharlar tashkil etilib, ushbu hashar doirasida mahallalarda, korxona- muassasalarda, ko’chalarda va qabristonlarda keng ko’lamli tozalash, obodonlashtirish va chiqindilarni chiqarish ishlari amalga oshiriladi. 

Barchani mazkur xayrli ishlarda faol ishtirok  etishga chorlab qolamiz.