Махсус имкониятлар
Ўзбекистон Хотин-қизлар қўмитаси ҳамда “Раҳмдиллик” нодавлат нотижорат ташкилоти Франциянинг “ACTED” (Техник ҳамкорлик ва тараққиёт агентлиги) ҳалқаро ташкилотининг молиявий кўмаги асосида Самарқанд вилоятининг белгиланган ҳудудларида ишсиз, моддий кўмакка муҳтож аёлларга гранд ажратиш бўйича лойиҳа эълон қилинганди.
Лойиҳадан кўзланган мақсад Ўзбекистонда аёлларнинг иқтисодий ва ижтимоий манфаатларини ҳимоя қилиш ва уларнинг ҳуқуқлари бузилишининг олдини олишдир.
Паст Дарғом туманидан ҳам 15 нафар аёл тадбиркорликни бошлаш истагида ушбу лойиҳада иштирок этган бўлиб, бугун уларнинг 8 нафари турли йўналишларда гранд ютиб олди. Жумладан, Пўлатчи маҳалласида яшовчи Зулфия Ғаффаровага “Бир зумда” кафесини очиш учун музлатгич, газ плитаси, микротўлқинли печ, стол-стул ҳамда ошхона идишлари тўплами берилди. Шунингдек, қолган етти нафар аёлга паррандачилик, чорвачилик ва тикувчиликни йўлга қўйиш учун кўмак берилди.
